Jou skoonma kan ’n groot bate of ’n groot las wees wanneer dit by troubeplanning kom. Dit hang alles af van hoe jy en sy die saak benader. Christell du Preez van The Peachy Peony het raad.
Spaar R44.90 as jy Die Trouboek & Troukoors tydskrif nou bestel! Betroubare posdiens word gebruik.
STAP 1 – Betaal R170 in ons bankrekening in:
Naam van rekeninghouer: MonCheri Events and Productions CC | Rekeningnommer: 189 103 463 4 | Takkode: 189 137
Bank: Nedbank Vaal Mall | Tipe rekening: Tjek | Verwysing: Jou naam, van en selfoonnommer
STAP 2 – E-pos jou naam, van en posadres saam met die betalingsbewys na info@bpwpprebuild.co.za
Kliek hier vir meer informasie oor Die Trouboek en Troukoors se tydskrif.
————————————————————————————
Die oomblik wanneer julle begin troue beplan het, het dit vir jou gevoel asof jy nuwe vriende bygekry het, asook ’n paar vyande. Mense wat gewoonlik nie hulle opinie lig nie, voel nou die nut om jou 7 uur in die oggend te bel en seker te maak jy weet van hulle voorkeure.
Jou aanstaande skoonma, wat eens heel bedees was, is nie meer die oulike tannie wat jy leer ken het nie. Sy beskinder jou, kraak jou keuses af, druk haar neus in julle sake en maak asof sy die enigste opinie het wat gaan tel. Dit veroorsaak wrywing tussen jou en jou verloofde en voordat jy jou oë uitvee baklei julle so, dat julle die troue wil afstel.
Dit is so onnodig. Onthou altyd dat julle troue oor julle gaan en nie oor iemand anders nie, maar mens wil nie hierdie twis in die eerste plek hê nie, dus gee ek bietjie raad.
HY BLY JOU SKOONMA SE SEUNTJIE
Eerstens moet jy besef dat jou aanstaande altyd sy ma se seun gaan bly. So om haar anders te probeer oortuig, gaan net nie werk nie. As jou skoonma moeilik raak of probeer om haarself in te druk waar sy nie hoort nie, is dit omdat sy bedreig voel. Sien dit raak en probeer haar eerder gerusstel as om vir haar kwaad te word. Party skoonma’s het nie ’n dogter nie, so sy weet nie hoe om die situasie te hanteer nie. Jy wil eerder saam met haar werk, as teen haar. Sy is nie jou ma nie en moenie van haar verwag om daardie rol te vul soos wat jou ma doen nie. Sy gaan nie van jou smaak hou nie en sy gaan nie verstaan hoekom jy nou so graag op ’n olifant daar wil aankom nie. Moenie haar probeer oortuig nie en moenie as sy nie saam met jou stem, kwaad word nie, want op die ou einde sit jy met al die gebakte pere en sy het mos nou haar hart uitgestort, so sy is heel gelukkig.
BETREK JOU SKOONMA BY DIE TROUE
Ja, jy het sopas reg gelees. Ek weet jy is nie lus nie, maar die oomblik wat jy vir haar klein keuses gee of betrek by julle troue, gaan sy belangrik voel en is jy nie meer vir haar ’n bedreiging nie. Vra haar om dalk te kies tussen drie verskillende servette (natuurlik moet jy van almal hou, want sy gaan een van hulle kies). Gee vir haar iets kleins om te doen soos jou dankie-geskenke. Gaan drink saam met haar koffie en vra haar bietjie uit oor hoe sy dink julle program moet verloop. Betrek jou skoonma by maklike goedjies waaroor jy nie so baie bekommerd is nie. Laat haar belangrik voel; sê vir haar jy het met die fotograaf gereël dat hy/sy die bruidegom saam met sy ouers voor die seremonie moet afneem, want dit is sulke kosbare oomblikke. Dink aan haar en jy sal sien hoe haar houding verander.
WANNEER DAAR KLAAR KONFLIK IS
Nou dit is baie belangrik dat jy en jou verloofde op dieselfde bladsy is. As jou ma hom aanval, moet jy kan opstaan vir hom en andersom. Kry almal dan bymekaar, jou ouers en syne, en reël ’n braai. Stel solank ’n lys op van waarmee jy alles hulp nodig het. Sê vir hulle dat almal belangrik is en dat elkeen ’n belangrike rol speel en dat julle die dag saam wil geniet as een groot familie en nie twis en ongelukkigheid daar wil hê nie. Sê dan dat elkeen hulle ongelukkigheid op ’n stukkie papier moet skryf en dat jy en jou verloofde daaroor sal gesels en na hulle toe sal terugkom. Sodra hulle dan hul ongelukkigheid neergeskryf het, sê vir hulle nou maak ons vrede en geniet mekaar en die beplanning verder. Maak jou lys bekend en sê waarmee jy nog hulp nodig het, so betrek jy almal en laat almal saamwerk. Onthou jy gaan die voorbeeld wees. As iemand daarna kom met stories, sê jy net ferm “ons kan ongelukkig nie nou hieroor stres nie en omdat ons nodig het om as ’n familie saam te staan, het ek eerder jou bystand as teenstand nodig” en hou dan daarby.
Foto: Philly Mag
